சந்திரனைப் பார்த்து நாய் குரைத்தால்

சந்திரனைப் பார்த்து நாய் குரைத்தால்

சந்திரனுக்கு என்ன நஷ்டம்?

அன்று பள்ளிப் பராயத்தில் அன்னை போதித்தாள்.

எனக்கும் அது சரி என்றே தோன்றியது.

வளர்ந்த பின்பு ஒரு சந்தர்ப்பத்தில்

நாய் ஏன் சந்திரனைப் பார்த்துக் குரைக்க வேண்டும்?

சந்திரனுக்கும் நாய்க்கும் ஏதோ பிரச்சனை...

சந்திரன் அப்படி சந்திரன் இப்படி.......

சுற்றி இருக்கும் மனிதர்களே

நாய்களாகிக் குரைப்பதைத்

தவிர்க்கவே விரும்புகிறேன்.

என்ன செய்வது முடியவில்லை.

அவசியமற்ற அர்த்தமற்ற பேச்சுக்கள்

ஒதுக்கத்தான் வேண்டுமென

புத்தி சொல்கிறது

மனது மருகுகின்றது

சந்திரனைப் பார்த்து நாய் குரைத்தால்

சந்திரனுக்கும் நட்டம் இருக்கத்தான் செய்கிறது.